近視、散光、老花眼鏡與隱形眼鏡的完美搭配
目錄
散光隱形眼鏡的重要性
視光師：「正如你有提及過睇野一直都唔夠清，所以如果有75度散光，都應該戴番散光CON。」
Ealine：「係呀，平時都真係差小小，睇巴士號碼都比朋友慢小小先睇到，我依家需要學車，想戴CON學車。」
超過75度散光應該配戴散光隱形眼鏡，才能擁有清晰視力。特別是學車時，需要看清楚路況和交通標誌，清晰的視力至關重要。
自製50度老花度數
因為長期配戴過高度數的近視隱形眼鏡，等於「自製」了 50 度的老花，睇近野時更加吃力。
視光師：「你本身只有100度老花，因為戴多左50度近視，所以你加埋就需要150度老花先睇得清文件電話，你睇電話應該要拎到好遠先睇得清楚。」
解決學車視力需要
學車最重要係遠距離既清晰視力，亦都需要通過閱讀車牌的視力測驗，需要駕駛執照考生讀出有23米距離的車牌，清晰視力對駕駛判斷相當重要。
Ealine學車時想戴隱形眼鏡，視光師推薦她配戴Cooper Vision既MY DAY 1DAY散光CON，呢款日戴散光隱形眼鏡除左透氣同鎖水更好之外，仲有適合Ealine特別散光線位既度數，因為Ealine既散光線位係70同100，唔係每個牌子既隱形眼鏡都有提供。
檢查散光定位及視力
驗配散光CON除左有散光度數外，散光線位都同樣重要。因為唔岩既散光線位同樣會影響視力，如果散光度數越深影響越大，配戴散光CON時戴岩散光定位會影響視力清晰度，所以正確配戴散光CON都好重要。視光師幫佢檢查後無論清晰度同隱形眼鏡弧度都合適。
Ealine：「睇遠野依家清晒啦！」
眼鏡輔助，配眼鏡解決老花問題
因為Ealine想戴CON學車，如果只配近視散光CON，可以好清晰咁睇到遠野，行街睇戲食飯都無問題。但因為呢款CON唔係老花漸進CON，沒有老花度數，Ealine會係睇電話或番工時會較吃力。
我地幫客人再戴住近視散光CON再驗眼，幫佢再根據視力需要驗配一副眼鏡，當工作或需要睇電話文件時就可以配戴番，專門係睇近時使用。
Ealine：「咁就可以同時滿足我睇遠和睇近的需求了！」
