老花Color Con最近喺日本非常熱賣，唔少老花眼日本女士都開始戴老花color con！以前老花隱形眼鏡只有透明款，但而家完全唔同啦！日本品牌SEED Eye Coffret系列帶嚟嘅「老花color con」係隱形眼鏡界嘅革命性美瞳產品，目前係市場唯一專為老花眼設計嘅color con，幫你收埋老花同年齡嘅秘密，兼顧視力同時擁有返年輕大眼，「唔會有人發現你有老花」！
目錄
咩係老花COLOR CON？
老花color con結合咗「老花隱形眼鏡」同「美瞳」嘅產品，即係有老花同近視度數嘅color con。老花color con唔單止幫助你解決老花帶嚟睇近模糊同埋近視嘅問題，仲有埋美瞳效果，返工都可以兼顧扮靚，提升個人氣場同魅力！
點知自己有冇老花？
老花係指眼睛晶體隨年齡漸漸失去彈性，對焦能力逐漸下降嘅正常生理現象。一般人喺40歲左右開始出現老花問題，會發現睇近距離嘅物件變得模糊不清。老花眼嘅常見徵狀包括：睇細小文字時感覺吃力，需要將手機、文件或者餐牌拎遠啲先睇得清楚。呢啲都係典型老花眼嘅表現，係隨著年紀增長而普遍發生嘅視力變化。
老花COLOR CON功能
傳統老花隱形眼鏡通常只係透明款，專注於矯正視力，但外觀上唔會有任何顏色。相比之下，老花color con除咗同樣提供清晰嘅遠近視力矯正，仲特別加入咗自然著色設計。SEED嘅兩款產品—Eye Coffret View Support 同 Eye Coffret Multistage，佢哋有日本最熱賣嘅顏色，直徑及著色直徑設計，令你戴起嚟眼睛唔會顯得誇張，效果柔和，適合日常及工作場合。
多焦點轉換（幫助改善遠、中、近嘅視力）
Color con美瞳效果（放大眼睛更柔和，有神）
抗紫外線保護（減少UV傷害，抗老保護眼睛）
舒適透氣配戴感（特殊物料設計，保持眼睛濕潤）
SEED老花color con系列嘅色素層係內嵌式，唔會直接接觸眼球，安全又安心。圓滑邊緣設計令長時間戴住都舒服，無異物感。
老花color con就係一款既矯正老花問題、又能夠增添眼睛魅力嘅全能老花隱形眼鏡，令你唔需要再喺視力清晰同靚之間選擇，兩者兼得。
如何選擇老花COLOR CON？
揀老花color con，最重要就係根據你嘅老花程度同日常需要去決定。SEED Eye Coffret系列有兩款專為唔同階段老花而設嘅人氣之選：
Eye Coffret 1 Day UV M View Support（初老花）
適合：初期老花 (50-150度)，大約30歲後半至40歲前半，睇近開始有啲模糊，但仲未嚴重影響日常生活嘅朋友。
特點：度數較淺，幫你輕鬆應付閱讀、睇電話等近距離需要，同時保留自然美瞳效果，返工、見客，約會同做運動都「唔會有人發現你有老花」嘅感覺。
Eye Coffret 1 Day UV M Multistage（中度老花）
適合：初期老花 (50-150度)，大約30歲後半至40歲前半，睇近開始有啲模糊，但仲未嚴重影響日常生活嘅朋友。
特點：度數較淺，幫你輕鬆應付閱讀、睇電話等近距離需要，同時保留自然美瞳效果，返工、見客，約會同做運動都「唔會有人發現你有老花」嘅感覺。
老花Color選購常見問題
Q：我啱啱開始有老花跡象，應該揀邊款老花Color Con？
A：啱啱開始感覺老花嘅話，View Support 一般可以應付日常使用需求。
Q：如果我覺得睇近好吃力，老花Color應該揀邊款？
A：近距離視力已經感到吃力，可以考慮 Multistage，幫助提升近距離視力表現。
Q：唔肯定自己適合邊款老花Color，應該點做？
A：建議先到門市驗眼，先幫你確認眼睛度數，先能夠配到最清晰舒服嘅老花Color Con。
Q：門市驗配服務包括啲咩？
A：視光師會根據你日常工作及生活習慣，例如揸車、睇文件或需要睇細節嘅情況，幫你調較最合適嘅老花隱形眼鏡度數。
門市驗配老花COLOR CON
老花color con同一般CON唔同，並非單純買返嚟就即刻戴到，想要舒適又清晰，建議經過專業驗配。
Contact Lens Easy門市設有老花color con驗配服務，由資深視光師及隱形眼鏡顧問跟進你情況，用MONOVISION原理調整度數，確保每位客人都配到最合適嘅老花color con。
專業驗眼服務
檢查度數，包括近/遠視、老花、散光度數，評估遠、中、近距離視力需求，精準分析用眼狀況。
主力眼檢測
先確定邊隻係主力眼（睇遠）及閱讀眼（睇近），並採用 DOF驗配法，協調雙眼老花color con度數，分別負責睇遠同近。戴上合適度數嘅老花color後，融合雙眼影像後就可以同時睇清不同距離嘅景物。
試戴及度數調整
現場提供老花color Con 包括 View Support或Multistage試戴，根據閱讀、用電腦或揸車需求微調度數。
弧度檢測及視力評估
檢查鏡片弧度是否合適、清晰度及整體佩戴感受。
售後跟進
老花CON需要持續跟進配戴狀況，如果配戴老花color後有唔舒服或唔清晰，日後可以返嚟門市調整或更換度數。
老花客人驗配個案
曾經有最高達200度老花嘅客人，一直以為自己冇機會再戴color con，經過我哋驗配後成功配到老花color con。客人分享戴咗老花color後，日常揸車、用電話完全冇問題，睇文字清晰度都可以接受，仲特別同我哋講：「可以戴得返Color Con就真係好好啦！」
