月con隱形眼鏡： 性價比舒適之選 月con，即月拋隱形眼鏡，設計使用期限為30日，介乎日拋同年拋之間，價格適中又平衡到方便程度。對於想節省開支，但又唔想好似年拋咁要長時間保養嘅用戶，月拋係個不錯嘅選擇。只要定期清潔同按時更換，就可以確保配戴舒適，難怪成為唔少戴Con朋友嘅首選。 月con隱形眼鏡：主要特點 使用期限：每副鏡片可用30日，記住每日清潔洗con同用保存液浸泡存放好。 材質：多數用高透氧性材料，適合長時間佩戴，舒適又透氣。 性價比：相比日拋，月拋價格多數平啲，但需要額外購買Con水護理液保養。 月con適合哪些人？ 月拋隱形眼鏡特別啱以下幾類人： 經常戴隱形眼鏡嘅人：例如學生、上班族，適合每日戴，但唔想每日更換鏡片嘅人。 追求性價比嘅朋友：如果經常戴con，月拋與日拋比較，單日成本更低，可以節省部分開支。 有耐性保養護理：月拋需要每日清潔鏡片，適合有充足時間打理鏡片嘅朋友。 對需要穩定視力矯正嘅朋友，月拋同日拋一樣達到同樣效果，無論係近視、散光定老花，月拋及日拋都能提供穩定嘅視力矯正效果，大家可以按其他方面的需度選擇。 月con與日拋的比較 在選擇隱形眼鏡時，很多人會猶豫是選擇月con還是日拋。以下是兩者的比較： 特性 月拋 日拋 使用期限 使用30日，需要每日清潔同保存 一次性使用，每日用完即棄 性價比 經常戴con單日成本較低 經常戴con單日成本較高 便利程度 每日需要額外時間護理 較方便，不需清潔保養 舒適度 高透氧度材料，但透氧和水份會隨時間下降 較衛生，材料適合一次性使用 月拋需要重複使用，因此每次除con後，都要用洗con水來清潔、沖洗，以及便用保存液浸泡，保持鏡片乾淨同衛生。 日拋用完即棄，所以鏡片上嘅眼分泌物、沙塵等污糟物不需要理會。日拋只適合單次使用，不可重覆使用，舒適度與月拋不相上下。 多數客人更會考慮隱形眼鏡價錢比較而決定買月拋定日拋，建議參考月con及1Day價錢比較，再決定要購買邊款隱形眼鏡。 選購月con的注意事項 鏡片材質 鏡片材質係選購月con時嘅重要考量因素： 水凝膠： 水凝膠係隱形眼鏡最傳統嘅物料，主要依賴含水量來維持保濕同透氧。但眼乾朋友要注意，水量會隨時間流失，如果含水量太高，亦有機會更快吸乾眼睛水份，眼乾朋友要小心選擇。 矽水凝膠： 矽水凝膠嘅保濕性同透氧量係三款中最高嘅。矽水凝膠具較高透氧能力，令更多氧氣可以通過，因此唔會受限於含水量，適合長時間配戴，唔容易眼乾。 含水量 唔少人以為眼乾就要選擇含水量高嘅隱形眼鏡，其實唔一定。高含水量嘅隱形眼鏡反而唔太適合眼乾朋友。因為當佩戴時，鏡片嘅水分揮發後，會自動吸收眼睛本身嘅水分，反而加劇眼乾問題。 直徑與弧度 直徑 透明con直徑可以根據眼睛大小、上眼舒適度選擇，只要能舒服地上眼就好，分別不太大。Color Con則可按風格及放大效果選擇，14.2mm較自然；14.5mm con 放大明顯；最新甚至有15.0mm con。 弧度 弧度簡單就係鏡片嘅弧度是否貼合自己嘅眼睛。如果弧度過鬆，貶眼時隱形眼鏡會不停轉動，除咗導致不適外，散光con更會影響清晰度。弧度過緊會阻礙液水流動，加劇眼乾問題。 隱形眼鏡嘅弧度：市面上大部分隱形眼鏡嘅弧度係8.3至9.0，選擇弧度方法係根據驗眼度數測量眼球弧度，額外加多0.8至1.0mm，就係隱形眼鏡嘅弧度。 建議選購CON前先搵視光師驗眼檢查弧度。 月con的正確使用方法 清潔與存放