漸進鏡片5大適應及揀選指南：解決模糊、頭暈及「可樂圈」效應
漸進眼鏡鏡片是改善老花眼的有效方案，但不少初戴者會感到鏡片不清晰或頭暈不適。這並非鏡片本身的問題，而是多個因素未能準確配合所致。了解以下幾個關鍵原因及我們的解決方案，助您告別適應期不適，享受清晰視覺。
目錄
關鍵問題
鏡架唔適合
眼鏡架無鼻托，眼鏡架過寬/過窄，容易在臉上滑動（「跣眼鏡」）都係唔適合，尤其會影響看近物時的閱讀區， 因為閱讀區被拉離正常位置，造成不清。漸進鏡片理想光學區大小
漸進眼鏡理想的鏡片垂直高度（鏡高）最理想有30mm，分別係 10mm上光看遠區，和至少 20mm 的下光閱讀區。若鏡架尺寸太小或形狀不當，可能無法容納足夠的遠、中、近視覺區。
關鍵問題
鏡高測量唔準確
驗配近視/遠視鏡片一般只需要考慮雙眼距離，即係焦點（PD），但如果驗配漸進多焦點鏡片只有焦點是不足夠。仲有一個好重要嘅數字 — 瞳高，即係眼睛中心與鏡片中心的定位。呢個數會決定遠、中、近距離視覺區在鏡片上的位置。若測量有偏差，雙眼就無法透過正確的區域視物。未考慮生活習慣及動態
傳統只在靜態坐姿下測量，但人是動態活動的。站立、走路或姿勢改變時，視線角度會有細微變化。加上都市人生活多變，睇遠及睇近的要求都不一樣。
我們的對策
“醒獅式點睛”定位
使用「點瞳筆」及其他儀器，精確測量雙眼瞳距（PD）及瞳高。因為漸進鏡片除咗有雙眼距離（即係焦點要度），仲要量度漸進鏡片高度。我哋需要找出客人眼睛同鏡片的中心定位（我地叫瞳高），因為呢個瞳高係決定鏡片睇遠、中、近距離嘅位置，要有晒兩樣數據先可以讓鏡片中心對準你嘅雙眼。
2. 配鏡前預先調較眼鏡架
以往近視眼鏡，取眼鏡時先調較都問題不大，但驗配漸進鏡片必須先將鏡架調整至最適合客人面形的鬆緊度後，才進行量度，因為調較前後的眼鏡架位置於客人面上一定會有不同。
3. 考慮動態數據及量度
建議在坐姿和站姿下都進行量度，因為人係動態，睇野角度會改變，以納入日常動態習慣的微調，加上每個人工種不一樣，即使大家都經常用電腦，有D朋友會係睇NOTEBOOK多，有D朋友會係睇多過一個MON，配鏡考量又會有一點不同。因為鏡高係漸進鏡片最重要嘅量度之一，只要差少少，就會覺得睇近唔清、頭暈、要郁頭先睇到。
3. 鏡片走廊揀錯 ，減小閱讀區25%
不同的生活模式和工作性質，對多焦點鏡片的需求也截然不同，需要揀合適的鏡片， 有一些特別需求揀選「客製化」的老花鏡片會更好的視野。
關鍵問題
閱讀距離標準化數十年
傳統鏡片以標準閱讀距離 40cm 設計。但在數碼時代大家都係機不離手，多數人看手機的距離縮短至 30-35cm，這會影響雙眼的閱讀焦點，因為睇近的距離越短，雙眼的焦點越短，跟傳統標準驗標未必最適合現今的睇近習慣。閱讀距離不同 → 雙眼匯聚點（焦點）會變化
40cm → 近點內移 1.5mm
35cm → 近點內移 1.7mm
30cm → 近點內移 2.0mm距離越近，雙眼越需要集中。
了解工作需求如何優化
長時間對電腦、會計、畫圖、gel甲等需要特定中、近距離視覺的職業，若未選擇合適「走廊」設計及鏡片內移量計算，會造成視野過窄或位置不當。
我們的對策
了解走廊設計 拉闊多45%可視區
深入了解您的閱讀距離、使用電腦頻率、工作環境等，再揀鏡片走廊，漸進鏡有一條由遠到近嘅過渡通道，呢個就係鏡片走廊，如果你成日睇電腦，就要揀長走廊，中距離大啲、舒服啲。如果你成日睇手機，又戴細鏡架，就揀短走廊較適合。鏡片走廊由11-16mm不等，可以想像到係鏡片高度一般係30-38mm嘅鏡架上係佔左好大既比例。
優化閱讀區，讓雙眼對準閱讀區
針對近距離手機使用習慣，在鏡片設計時考慮將焦點內移，即係內移量，因為距離越近，雙眼越需要集中，如果係揀選鏡片時考慮每個人既閱讀距離不一樣，就可以將鏡片閱讀放係更啱嘅位置，讓雙眼可以用盡鏡片閱讀區，加入埋閱讀距離於鏡片製造時可拉闊高達25%嘅近距離視野。
4. 鏡片與度數不匹配產生的「可樂圈」效應
這是導致視覺扭曲、不穩定的主要原因，就會產生過多的「水波紋」或「像差」，鏡片做出黎會太厚，導致外觀不佳。
關鍵問題
鏡片折射率與度數不合
度數較深者，若選擇較低折射率的鏡片（如 400度近視揀左1.5普通鏡片），可能造成鏡片邊沿較厚、弧度過彎，增加周邊像差，導致邊緣扭曲變形。呢個係光學現象引致嘅缺點，另外，揀選與度數不合的鏡片都會令眼鏡片太厚，就唔好睇啦，要知道有揀合適鏡片嘅最強公式。模糊區過多
漸進鏡片兩側有固有的模糊區。如果鏡架尺碼太大，會導致過多的模糊區進入視野；老花度數越深，產生的模糊區也越多。
我們的對策
「置中」鏡架原則
透過專業公式計算，同視光師多年驗配經驗，為你的度數和面形選擇最「置中」、最能有效利用鏡片清晰區的鏡架尺寸。點解要配貴D既鏡片
其實唔一定最貴就最啱你，都係好睇客人嘅度數、鏡架、生活習慣等多方面考慮，再揀啱你嘅鏡片，例如選擇數碼化自由曲面（Free-Form）技術製造的鏡片，這類設計能有效減小模糊區、擴闊可視區，就像選擇了視野更廣闊的「大尺寸電視」。另外，考慮到前文提到嘅走廊設計及內移量都會可以不用升級鏡片都有更佳更闊的視野。幾厚幾薄的折射率鏡片先合適
深近視/遠視/老花度數，應選擇合適折射率鏡片（1.67或1.74），係光學表現黎講，唔一定係最對就最好，一定係要配合你嘅度數同眼鏡架。做出黎除左會更輕同薄，啱你度數使鏡片做出黎會更平、更薄，可減少像差扭曲，可以提升視覺質素。
視光師教路！P 牌漸進鏡適應小教室
第一次戴老花漸進又要面對兩邊湊漸進鏡，又從未戴過眼鏡，自然較難適應。有D客人就係有老花但一直都唔戴，可能會除眼鏡睇，可能會將老花鏡拉遠D睇，咁可以短暫抵銷睇近嘅問題。但適應漸進鏡片需要時間和正確的使用方法，我們嘅專業指導能縮短您的適應期：
早戴早享受，遲戴難適應
有邊啲人會需要更多時間去適應難漸進鏡片呢？
老花度數很深才首次配戴漸進鏡片，第一次戴已經 200 度以上老
未戴過眼鏡的人，視野原本係 360° 無遮掩，依家有透過鏡片先可以睇到野
本身有遠視又唔察覺嘅人，如果有老花後，睇近度數會更比近視嘅人更深
了解老花度數與模糊區的關係
200度老花鏡片產生的模糊區會比 100 度老花鏡片更多。因為深老花由睇遠區去到閱讀區的度數變化會更急，如果淺老花變化會較平緩，兩旁產生的模糊區更小。
適應期要做咩
初次配戴深老花度數的客人，更容易感受到「水波紋」感和視野扭曲，最初建議係家中坐定定試用，係一個最熟悉嘅環境，睇下電視同手機，習慣鏡片不同區域變化。習慣後先開始用於駕駛及出外，因為尤其係駕駛，兩旁的模糊區會影響到睇側鏡。一般1-2星期就可以讓大腦學習「忽略」兩側的模糊區域及雙眼習慣用不同視區睇遠中近。
視光師建議
只要開始有輕微老花症狀，便應及早配戴，在度數淺時適應漸進設計，能更快適應，不用到時一下子升級鏡片去抵銷模糊區的問題，一黎不用辛苦自己勉強睇手機文件等，二黎更可以慳到錢，不用去升級鏡片級數。
掌握「遠中近」距離視覺區
要訣是學會移動您的頭部和視線，通過鏡片的不同區域看不同距離的物件，我地會教識客人用漸進睇野要分遠中近距離，透過鏡片不同視區睇不同物件，因為錯誤理解可視區會大大影響效果。
手臂分區法
看遠景（超過一隻手臂，多於70cm）
透過鏡片最上方的遠用區，雙眼保持視線水平。適用於駕駛、看風景、行樓梯。尤其行樓梯同睇地下最需要適應，因為已經超過一隻手，睇個時就要收下巴，雙眼就可以用遠用區行樓梯同睇地下。看中距離（一隻手臂，約70cm）
透過鏡片中央的漸進走廊。適用於看電腦螢幕、打麻雀、超市價格牌。最好係工作時mon會比你雙眼水平低一點，坐姿高一點，就可以有效睇中距離嘅物件。看近物（少於40cm，看手機、文件）
透過鏡片最下方的閱讀區。保持頭部不動，只移動雙眼向下，確保雙眼，閱讀物與鏡片閱讀區成一直線。
