漸進隱形眼鏡與漸進眼鏡的分別及優缺點
目錄
漸進隱形眼鏡聽就聽得多，但漸進隱形眼鏡原理是什麼，又有什麼分別？
漸進隱形眼鏡同漸進眼鏡邊隻好？
現時解決老花問題最多人使用亦都係最流行的方法是選配漸進隱形眼鏡或漸進眼鏡，但2者之間應點揀好，我地就同大家分析一下啦。
老花是什麼？
首先要知道老花是什麼，老花其實可以話係人生一定會遇到的問題，幾乎所有人到40歲左右就會有老花出現，睇近距離的物件時 (如電話，餐牌及雜誌等時) 會有看不清楚的問題，初時只需要將物件拉遠一點就可以看到，但有時字體比較細，環境昏暗或老花越來越越深時，即使拉遠一點也是看不清。
最簡單的解決方法是配戴一副閱讀眼鏡（俗稱：老花鏡），只需要到眼鏡店驗配適合自己度數的閱讀眼鏡就可以。
但閱讀眼鏡亦有不同的限制，例如：配戴時只可以看近距離，看遠時需要立即除下；
如需要閱讀時，可能有Whatsapp信息，或睇餐牌時就需要取出閱讀眼鏡才可看得清，這樣會做成一點點的不方便，甚至暴露自己的年齡秘密。
配戴漸進眼鏡的優點
漸進眼鏡可以跟據客人的眼睛度數驗配最準確的鏡片度數，近視、散光、老花度數都可以跟隨視光師驗出的度數訂製鏡片，老花度數可以以25度一級配製，度數上更為準確及細緻；
漸進眼鏡鏡片可以揀選不同厚薄及不同功能，防UV，防藍光及全視線變色鏡片等不同功能，以符合不同需要。
漸進眼鏡對比漸進Con最好的地方是配戴時更方便，就像平常戴眼鏡一樣，半秒也不需要就可以戴上，戴CON就需要多一點時間及步驟。
配戴漸進眼鏡的缺點
漸進鏡片有好處同時都有一些限制，漸進眼鏡鏡片於一塊鏡片上，由上至下分佈著睇遠，中及近距離的度數，配戴者需要學習如何使用，眼珠需要遷就鏡片上不同區域以達至視力清晰，例如：睇近時，眼珠需要向鏡片的下方看。
漸進鏡片有一個特別地方需要留意—近距離閱讀區域，於這區域左右會有一個地方叫“模糊區”，由於漸進鏡片需要接合遠，中及近距離的度數，所以產生出“模糊區”， 配戴者眼珠需要向鏡片的下方觀看及置中才可以達至最佳的“睇近度數”，我們的視光師經常笑說：“搭地鐵時唔可以偷睇隔離位份報紙”。
但隨著鏡片技術的進步，可以揀選更高階的鏡片去減少模糊區地面積，當然價格又會貴一點點。
另外，戴眼鏡既朋友一定試過出入冷氣地方，食麵時，打邊爐時遇過鏡片起霧氣的情況，加上現時日日都需要戴口罩，起霧氣的情況更加常見。
配戴漸進Con的優點
配戴老花Con最大好處係可以擺脫眼鏡，減輕鼻上耳上的負擔，尤其近視有600度以上的朋友會更加明白，除左日常生活，喜歡做運動的朋友更適合使用漸進Con，無論做瑜伽，行山或打波，都唔需要再顧慮跌眼鏡而就住就住。
另外，喜歡出席不同活動，宴會及社交場合的你，漸進式隱形眼鏡都係非常好既選擇，隱形眼鏡比起眼鏡更容易配搭不同的服飾及妝扮，於餐廳睇餐牌時或同事朋友突然比野你睇時但看不清楚，有時需要拉遠一點或甚至需要“瞇眼”先睇得清一點，但都不能長時間睇，最後需要戴番眼鏡先可以；
如果戴上漸進Con，以上尷尬的情況就可以避免出現。
漸進隱形眼鏡係睇野上無限制，唔會有漸進鏡片的“模糊區”出現，只有驗配合適就可以遠，中及近距離都達至日常使用要求。
配戴漸進Con的缺點
如果未戴過隱形眼鏡的朋友需要學習如何戴Con，有用開或識戴除的朋友只需要驗配番正確度數就可以，但如果有幾年以上無戴Con就需要小小時間重新適應一下。
如果有老花又有散光嘅朋友，漸進散光隱形眼鏡選擇比較少，直到近期先有博士倫漸進散光Con面世。如果有散光+老花嘅朋友可以睇下我地既散光漸進Con解說。
另外老花的度數比起鏡片小選擇，老花度數各和鏡片不同，不是以25度一級細分度數，不同牌子會有不同設計，所以需要視光師按不同的情況及度數為客人驗配符合日常使用要求的漸進Con。
老花隱形眼鏡/漸進隱形眼鏡如何選擇
老花隱形眼鏡和漸進隱形眼鏡有什麼分別，其實都係同一種類的隱形眼鏡，只係不同人有不同的叫法，都係用來幫助配戴者可以同時可遠及近。
漸進隱形眼鏡早於十多年前已推出，不過因為技術問題，當時睇野的效果較為一般，大概只有3成既配戴者對視力表示滿意，所以遲遲未能普及。
隨著科技的進步，呢幾年的漸進隱形眼鏡設計已大為進步，差不多7-8成的配戴者對視力表示滿意。近年更有廠商推出漸進散光Con，成為其中一個同時改善老花+散光問題的方法。
另外，新式既驗配方法都幫助到有老花既人仕改善視力，現時有2種漸進Con度數轉換方法可以為客人驗配出需要之隱形眼鏡度數。
那一款漸進Con會比較適合呢?
現時差不多每一個牌子都有推出漸進隱形眼鏡，Alcon Total 1 漸進Con , 博士倫 Biotrue 漸進Con, Cooper Vision Clariti 漸進Con及專為亞洲人設計既Delight 1 Day漸進Con．因為每個牌子於光學設計及鏡片設計上都有不同，例如有些設計上有利睇近野，有些睇電腦會更好；
漸進散光Con品牌比較少，熱門選擇有博士倫 ULTRA Multifocal for Astigmatism (漸進散光)(Monthly) 。不過驗配漸進散光Con前最好先驗眼，諮詢視光師意見，檢查清楚度數及眼睛狀況後，先至訂購。
因為唔同客人有唔同需要，所以我哋都會詢問客人時常的習慣及工作環境 (如有無駕駛)，再配合客人之度數，揀選合適之漸進Con。
回家除con
一般建議回家後盡快除con，讓雙眼休息一下，現在手機不離手的情況下，一副漸進眼鏡就可以讓除con後都清楚睇手機。
簡單的歸納
這樣只是最簡單的歸納，度數的高低，散光的深淺都有著不同，如果想了解更多可向我地的視光顧問了解更多。
#老花隱形眼鏡好用嗎 #漸進隱形眼鏡好唔好 #老花con價錢