第一次戴Con必知10件事_cover1

【入門指南】新手戴Con必需知的10件事

第一次戴Con必知10件事_cover2

第一次戴Con / 配Con嘅隱形眼鏡新手們,仲未熟悉戴Con技巧?唔洗擔心!我哋為你整理咗10個隱形眼鏡注意事項,包括1 Day Con / 月Con可以戴幾耐Day Con重用得唔得? 正確月Con保養洗Con方法 如何戴Con? 配Con時間幾耐? 可否戴Con訓覺等等。了解晒呢幾樣嘢,新手戴Con、配Con都可以輕鬆上手!

目錄

1. 分清隱形眼鏡con正反面  

戴Con過程中,如果隱形眼鏡鏡片戴反咗,會因為Con弧度唔吻合眼球,令到配戴Con時出現異物感,眼睛就會唔舒服同不停流眼水。其實,戴Con時想分辦隱形眼鏡正反面有個簡單嘅辨法,大家可以先將鏡片放喺手指尖上

正面:邊緣內收,弧度較小,外型似「碗」。

反面:邊緣外放,弧度較大,外型似「碟」。

第一次戴Con必知10件事_info2

2. 眼鏡度數≠隱形眼鏡度數

第一次戴Con嘅你,如果本身都戴開眼鏡的話,就要特別留意!眼鏡度數同配Con時需要嘅隱形眼鏡度數唔同㗎。如果Con後先發現隱形眼鏡度數唔啱 (太深或太淺),隱形眼鏡模糊之餘,仲會容易導致眼睛疲勞,甚至出現頭痛、頭暈等情況。

所以配Con 前最好先做隱形眼鏡度數換算,用隱形眼鏡度數換算器計算你嘅配Con度數(包括近視/遠視/ 散光度數)。仲可以喺配隱形眼鏡/戴Con前,先搵專業視光師驗眼,咁樣配Con度數先會準確最Update,確保唔會出現隱形眼鏡模糊情況。

3. 戴Con技巧及除Con方法

第一次戴Con嘅隱形眼鏡新手未必清楚「如何戴Con」, 其實配戴及除下隱形眼鏡都有啲需要注意嘅小細節,只要跟住初學者必睇戴 con / 除Con教學入面嘅步驟做,就可以輕鬆掌握戴Con技巧!又或者參加我哋嘅戴Con小教室!好多參加者都同我哋講返,眼鏡店職員續步耐心教佢哋戴Con姿勢步驟容易過自己爬文或者上網睇片,上手會快少少同輕鬆啲。

第一次戴Con必知10件事_info

新手戴Con時如果一直上唔到眼,隻Con係咁掉返出嚟,可以以睇睇以下注意事項,睇下有冇邊個部分忽略左。更正以下錯誤做法,可以增加上眼成功率架

戴Con必知十件事info

4. 配Con時間—配隱形眼鏡幾耐?

第一次配Con嘅朋友都想知配隱形眼鏡要幾耐,大家可以喺度了解一下配Con過程!

  1. 視光師會先了解你嘅戴Con經驗,係唔係第一次戴Con等。

  2. 到驗眼房驗眼,檢查隱形眼鏡度數 (遠近視度數/散光度數)、隱形眼鏡孤度等

  3. 配隱形眼鏡推薦視光師會根據你嘅隱形眼鏡度數、眼睛狀況,推薦啱你嘅Con

  4. 隱形眼鏡Fitting實際試戴5-10分鐘,試試隱形眼鏡上眼後感覺如何。視光師會跟進你嘅試戴情況,幫你搵最合適嘅Con

淨係根據隱形眼鏡度數/ Con孤度嚟配Con係唔足夠㗎。Con物料、牌子、鏡片設計等都會影響Con舒適度,所以需要實際試戴後才作準。

第一次戴Con必知10件事_info4

5. 含水量高嘅鏡片越保濕? 

另一個隱形眼鏡注意事頂,就係隱形眼鏡鏡片含水量並非越高越好。新手買隱形眼鏡前,最好先了解如何選擇高水份/低水份隱形眼鏡。 隱形眼鏡含水量高,代表鏡片愈容易導入空氣中嘅氧分,而且水份會較快揮發。如果眼睛本身水份唔夠,高含水鏡片就有機會吸取眼睛嘅淚液,用嚟保持鏡片水份。所以,眼乾人士配戴高含水鏡片,可能會更快眼乾。大家可以做做眼乾小測試睇下屬唔屬於眼乾人士。

6. 可否長時期戴隱形眼鏡?

長時間戴隱形眼鏡情況對都市人而言普遍,好多人因為工作需要,戴Con超過 10 小時。因為隱形眼鏡材質及技術進步,新嘅矽水凝膠鏡片比起傳統水凝膠物料透氣,眼睛冇咁易缺水缺氧,比較適合眼乾人士配戴。矽水凝膠隱形眼鏡一般配戴 8-10小時都冇太大問題。大家可以比較下隱形眼鏡物料的分別,再決定購買邊款隱形眼鏡。

第一次戴 Con擔心戴Con唔舒服的話,我哋建議大家用 「 4 、 6 、 8 漸進式戴 Con 法」 。因為一次過戴 Con 太耐,雙眼容易因為唔適應而出現不適。為咗比眼睛慢慢習慣戴 Con ,大家可以先試下一日戴 4 小時,如果冇唔舒服就遞增至 6 小時,再視乎眼睛適應情況加到 8 小時。呢個方法可以幫助大家更舒服地過渡新手戴 Con 時期。

第一次戴Con必知10件事_info3

7. 即棄隱形眼鏡不能重用

配Con客人初初戴Con時,可能為咗想節省隱形眼鏡用量,將 1 Day Con 重用多 2-3 日不等。但係即棄 One Day Con嘅鏡片設計同Monthly 月戴 Con 唔同,1 Day Con材質只為配戴一日而設,所以Day Con重用係唔理想㗎。若果胡亂重用Day Con,唔單止令眼睛唔舒服,仲可能引發各種眼睛疾病。如果大家想知配Con時買日戴 Day Con 定月 Con 抵啲,可以睇睇 1 Day 及月戴隱形眼鏡價錢比較,了解清楚再決定配Con買邊款。

8. 不應戴著隱形眼鏡睡覺

隱形眼鏡新手切記避免戴Con訓覺。由於眼角膜冇血管供應氧氣,所以必須靠淚水溶解空氣中嘅氧氣,然後滲透入眼角膜入面。戴Con訓覺因為長時間閉眼,會加劇阻隔氧氣進入角膜,有機會令眼睛缺氧,情況嚴重的話甚至會影響視力或導致失明㗎。

9. 戴Con 時不應胡亂滴眼藥水

長時間戴 Con難免容易眼乾,好多人都會使用坊間嘅眼藥水,希望保持眼睛濕潤。但係購買眼藥水時應多留意產品成份,睇清楚有冇含有防腐劑或其他藥用性物質。因為藥性眼藥水唔適合戴 Con 者使用。 隱形眼鏡會吸收藥性,變相令眼睛長期接觸藥水,可能會令眼睛不適及發炎。 所以,姑果戴 Con 時需要滴眼藥水,應該選擇印有「戴隱形眼鏡專用」或者天然人工淚液以策安全。

第一次戴Con必知10件事_info5

10. 每天換Con水

隱形眼鏡Con水用過嘅會殘留各種污垢或細菌,重用Con水會污染隱形眼鏡,容易引起角膜感染。所以選擇戴 2 Weeks兩星期拋棄型,或月Con 嘅朋友們,記得務必每日更換Con水啊。

第一次戴隱形眼鏡除咗以上必知 10 件事之外,戴Con新手配Con前最好先了解唔同隱形眼鏡嘅特性。然後去眼鏡店驗眼,檢查清楚度數,再試戴隱形眼鏡,咁就可以確保買到合適嘅隱形眼鏡啦!

第一次戴Con必知10件事_info1

在香港尋找眼鏡店推薦可以說是一個有挑戰性的任務,不過眼鏡店平是一家值得考慮的選擇。

Contact len Easy 提供各種款式和品牌的眼鏡,而且價格實惠,是一家性價比很高的眼鏡店。服務也非常專業,包括眼鏡配對和調整,能夠為客戶提供最滿意的眼鏡體驗。如果您在尋找眼鏡店推薦,眼鏡店平是一個不錯的選擇。

如果有咩問題同唔明, 歡迎問問我地既專業人員
開業10年香港隱形眼鏡專門店: www.contactlenseasy.com

版權所有 Copyright © 2023 Contact Lens Easy

配con過程如果隱形眼鏡鏡片配戴反了,會因為弧度不吻合令到配戴時有異物感,眼睛感到不適同不停流眼淚。
如果戴開眼鏡但未試過戴con嘅你,可能未必知道 其實眼鏡同隱形眼鏡 / 配con度數度數喺唔同 。

配con是配戴隱形眼鏡的簡稱。第一次配con的人需要注意一些事項,比如眼鏡度數和隱形眼鏡度數不盡相同,需要做度數轉換;正確分辨隱形眼鏡的正反面,才能舒適配戴;配con時間大約需要20-30分鐘。此外,配con過程中,視光師會根據你的眼睛狀況、生活習慣等因素推薦不同品牌、不同材質的隱形眼鏡,讓你試戴找出最適合自己的鏡片。配con後也需要注意日常保養,例如每天換液、避免睡覺戴lens等,以維持隱形眼鏡的舒適度和眼睛健康。

發佈留言

購物車
Scroll to Top